“Uragani” CR7 bën Juventusin të shpërthejë në bursë

E Enjte, 13 September 2018 14:11

Ardhja e Cristiano Ronaldos te Juventusi gjatë merkatos së kësaj vere e ka ndryshuar jetën e gjigantëve italianë. E ka përmirësuar atë deri në pikën që aksionet e klubit bardhezi në bursën e Milanos të rriten 62% në muajin e fundit.

Një rritje historike, që kap shifrën 86%, nëse marrim si referencë një vit të tërë.

Ndërkohë, indeksi FTSE MIB, i cili përfshin kompani të mëdha italiane, vazhdon të bjerë në javët e fundit (-6.2%) për shkak të kontekstit kombëtar dhe ndërkombëtar.

Çmimi i tregut të aksioneve të klubit piedmontes ka pësuar menjëherë rritje, në fillim të korrikut, kur ishte spekuluar mbi ardhjen e CR7.

Pastaj e vijoi këtë trend me njoftimin e nënshkrimit të yllit portugez me 7 herë radhazi kampionët e Italisë, në po kaq vitet e fundit.

Falë ardhjes së CR7, aksionet janë tregtuar në një nivel maksimal prej 1.47 eurosh. Siç raporton “Telesport.al”, regjistrimi i mëparshëm datonte nga 3 janari 2002 dhe ishte në raportin 1.32 euro.

Më vonë se viti 2002 ishte kriza e rëndë për klubin bardhezi, sidomos pas skandalit administrativ “Moggigate”, me rënie konsekuente në aksione.

Ato ishin kohë të këqija, që tani janë qartësuar plotësisht, edhe në tregun e aksioneve, me rekrutimin e ish-sulmuesit të Real Madridit.

Për specialistët e bursës së Milanos, sjellja e veprimeve në javët e ardhshme është e pamundur të parashikohet, pasi faktorët e përfshirë dhe rezultatet e ekipit, golat që shënon CR7, çdo skandali mundur me portugezin, kanë ndikim të menjëhershëm.

Kapitali i përgjithshëm i klubit të njohur nga Torino, gjithashtu, regjistron nivelet historike, me 1.350 milionë euro, si të dhëna maksimale.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

VIDEO / Si mund të humbet një rast i tillë! Luliç bën gafën e vitit

Sport

VIDEO / Si mund të humbet një rast i tillë! Luliç bën gafën e vitit

Nëse ekziston një çmim për “Golin e vitit”, atëherë duket të ekzistojë një çmim edhe për “Gafën e vitit” dhe të keni të sigurt se atë do ta fitojë Senad...

FOTOT/ 9 të famshëm që refuzuan role simbolike dhe humbën shansin e madh

Kulturë

FOTOT/ 9 të famshëm që refuzuan role simbolike dhe humbën shansin e madh

Shumë filma do të kishin qenë ndryshe me aktorë të tjerë. Disa aktorë i refuzuan shumë role simbolike për arsye të ndryshme si angazhimet në një tjetër projekt filmik ose...

“Shqipëria po i afrohet një diktature, krimi është lënë në bordurë”

Politikë

“Shqipëria po i afrohet një diktature, krimi është lënë në bordurë”

Deputeti Dashamir Shehi shprehet se Shqipëria po i afrohet një diktature dhe se krimi është lënë në bordurë. Ai shton se, opozita do të hyjë në zgjedhje dhe do t'i...