Historia prekëse e Luka Modriçit, serbët ia ekzekutuan gjyshin dhe…

E Enjte, 12 July 2018 06:54

Luka Modric është dashur të kapërcejë shumë vështirësi serioze përpara se të bëhej një futbollistë profesionist.

Kur kapiteni i Kroacisë ishte vetëm 6 vjeç, jeta e tij u trondit kur gjyshit i tij i dashur ra në duart e banditëve militantë serb, ndërsa ai u detyrua të jetonte si refugjat në atdheun e shkatërruar nga lufta.
Por, pavarësisht vështirësive të tilla, kjo nuk e ndaloi djaloshin ambicioz që të bëhej një nga lojtarët më të mirë të planetit dhe tani si 32 vjeçar, një super yll global.
Më 8 dhjetor 1991, gjatë Luftërave Ballkanike, milicia e dhunshme serbe e sulmoi Modricin, një fshat i vogël pranë maleve të Velebit në Dalmacinë Veriore dhe shkaktoi terror për familjet kroate që nuk kishin ikur nga vendlindja.
Luka Modric Snr (gjyshi), i cili po i ruante bagëtitë e tij në një rrugë të braktisur, u kap nga një grup serbësh ku u ekzekutua brutalisht së bashku me pesë vendas të tjerë.
Ideja ishte të dërgohej një mesazh te banorët e tjerë të Modricit që ata duhet të largoheshin nga qyteti i tyre.
Vdekja e goditi fort Lukan. Ai ishte rritur nga gjyshi i tij Luka Modric Snr, pasi që prindërit e tij Stipe dhe Radojka punonin për orë të gjata në një fabrikë veshjesh për të mbështetur familjen financiarisht.
Pas incidentit, prindërit e tij u detyruan të largoheshin nga Modrici dhe kërkuan strehim në Hotel Iz në qytetin e Zadarit.
Pa energji elektrike apo ujë të pijshëm, zhurmat e granatave dhe plumbave u bënë një dukuri e përditshme për Lukën dhe motrën e tij Jasminan, për të mos përmendur shmangien e minave tokësore që mund të dërgonin tek vdekja në çdo moment.
Por kjo nuk e ndaloi djaloshin që të shkelmonte një top futbolli të vogël dhe të luante në parkingun e hoteleve, duke ëndërruar që një ditë fitonte ekzistencën e tij që ishte shkatërruar nga lufta.
Është një rrëfim i shkëlqyer për të pasurit, që është testament i përkushtimit, pasi që katër herë fituesi i Ligës së Kampionëve, e ka arritur këtë pas një tragjedie të tmerrshme.
Modric rrallë flet për vështirësitë e tij, por kur ai nënshkroi për Spurs në vitin 2008, foli për këtë periudhë të fëmijërisë së tij.
“Kur filloi lufta u bëmë refugjatë dhe kjo ishte një kohë shumë e vështirë. Isha gjashtë vjeç. Ishin kohë të vështira”.
“Ne jetuam në një hotel për shumë vite, ndërsa ne luftonim edhe financiarisht, por gjithmonë e doja futbollin. Mbaj mend që mbrojtëset e mia të para i kam pasur të Ronaldos brazilianit dhe i kam dashur shumë ato”.
“Lufta më bëri më të fortë, ishte një kohë shumë e vështirë për mua dhe për familjen time. Unë nuk e përmend gjithmonë, por nuk do ta harroj atë”.
Megjithatë, kur Modric ishte 10 vjeç, ai nuk u pëlqye madje u refuzua nga disa trajner.
Hajduku i Splitit nuk e pranoi, por ishte Tomisllav Basic, një trajner që e njihte Modricin nga Zadar, e mori në prova te Dinamo Zagreb.
Nga aty talenti i tij lulëzoi, ku kaloi te Tottenham  dhe pastaj te Real Madrid ku edhe sot është një shtyllë e këtij klubi dhe një nga futbollistët më të vlefshëm në botë.
Jeta e tij personale nuk mund të ishte shumë më e mirë.

Ai u martua me Vanja Bosnic, e cili është agjente e tij. Ai i dha fund beqarisë në vitin 2010 në kryeqytetin kroat, Zagreb.
Çifti u takuan për herë të parë në agjencinë sportive Mamic, ku ajo punonte.
Ish-bashkëlojtari i Tottenhamit dhe tani te Kroacia, Vedran Corluka, ishte dëshmitar kryesor në martesën e tyre.
Fëmija i parë i çiftit është djali Ivano dhe lindi vetëm tri javë pas martesës së tyre.
Pastaj ka edhe dy vajza, Ema dhe Sofja.
Luka Modric sot u kualifikua në finale të Kupës së Botës pasi Kroacia mposhti 2-1 Anglinë dhe më 15 korrik kroatët do të përballen me Francën.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Krime makabre, ja 7 vrasësit serialë më të frikshëm të botës

Aktualitet

Krime makabre, ja 7 vrasësit serialë më të frikshëm të botës

Vrasësit serikë janë ata persona, të cilët masakrojnë njerëz për kënaqësi personale Ju njohim me 7 vrasësit serikë, të shumëpërfolur në botë: 1. Amardeep Sada Është vështirë të besohet, por Amardeep Sada është...

BBC: Maurizio Sarri, historia e bankierit që do të drejtojë Chelsea-n

Sport

BBC: Maurizio Sarri, historia e bankierit që do të drejtojë Chelsea-n

Duhet ta falni Antonio Konten nëse të premten e shkuar u ndie sikur po përsëritej historie. Fundja, nuk është hera e parë që pushohet dhe zëvendësohet nga Maurizio Sarri. Pasi u...

Si në filma/ Zbulohet plani për të ekzekutuar kryeministren britanike

Globi

Si në filma/ Zbulohet plani për të ekzekutuar kryeministren britanike

Autoritetet britanike kanë parandaluar një atentat të planifikuar ndaj kryeministres britanike Theresa May. Siç raportojnë mediat, 20-vjeçari Naa’imur Rahman u arrestua nga policia para se të vinte në zbatim planin e...