Kokaina e kapur e shqiptarëve në Gjermani, ministri bavarez ‘humorist’: Jam konsumator…bananesh

E mërkurë, 16 May 2018 22:15

“Askush nuk duhet të shqetësohet për oreksin e tij”, deklaroi me humor ministri i Brendshëm i Bavarisë, Joachim Herrman (nga CSU) pasditen e kësaj të mërkure, duke shtuar më tej se, edhe ai vet është një “konsumator i thekur i…bananeve”.

Por, vetëm për shkak të ngjyrës tejet të verdhë të këtij fruti, që nënkupton se janë të bëra mirë, Zyra e policisë bavareze për hetimet kriminale (Bayerische Landeskriminalamt, LKA) nuk do të merrte mundimin të dilte në një konferencë për shtyp. E aq më pak me forca të armatosura dhe nën shoqërinë e forcave speciale të maskuara.

Konferenca, në fakt u mbajt për atë që ishte fshehur brenda bananeve: kokainë me një vlerë tregu prej rreth 400 milionë eurosh. Rreth 670 kg nga kokaina e sekuestruar deri të hënën ishte rindërtuar për qëllime ilustruese mes kutive me banane të freskëta. Ky cilësohet si hetimi më i suksesshëm në historinë e zyrës bavareze të krimeve (LKA), siç u shpreh edhe vet shefi i saj, Robert Heimberger.

Gjatë kohës së hetimit, rreth 500 policë dhe zyrtarë doganorë ishin përfshirë në mbarë Gjermaninë. Por në qendër të hetimit ishte grupi i 8 hetuesve në Mynih. Drejtori policor për krimet, Jorg Beyser përshkruan sesi hetuesit ranë në gjurmët e trafikantëve të drogës. Gjithçka nisi vjeshtën e vitit të kaluar, me dy ngjarje që në pamje të parë dukeshin sikur nuk kishin lidhje me njëra-tjetrën.

Në një sallë jofunksionale, qindra mijëra banane u zbuluan, disa në ngjyrë jeshile e të tjera të verdha, nga nxehtësia. Më vonë, nga data 22-23 shtator, punonjësit e 10 marketeve të qytetit Rewe, në juglindje të Bavarisë, u shtangën teksa hapnin kutitë e bananeve. Mes frutave u gjetën edhe kokainë tejet e përqëndruar, në pako njëkilogramëshe, e menjëherë njoftuan policinë.

Zyrtarë të një grupi të përbashkët të hetimit të drogave në LKA dhe zyrës së hetimit doganor të Mynihut, nisën hetimin e bashkërenduar nga zyra e prokurorit publik në Landshut. Ajo që zbuluan ishte se, kokaina ishte pjesë e një rrjeti ndërkombëtar droge. Pakot e kokainës ishin fshehur në kutitë e bananeve në Ekuador dhe kishin mbërritur me anije në portin e Hamburgut.

Prej andej, kutitë e bananeve ishin transportuar kudo në Gjermani me kamionë. Në 9 prej destinacioneve, trafikantët kanë mundur të rikuperojnë lëndën narkotike. Një kamera mbikëqyrëse në një prej tyre tregon se ata e dinin me saktësi se në cilat kuti të kërkonin për kokainën. Vetëm se videopërgjimi zbuloi diçka me rëndësi për hetuesit: trafikantët shfaqeshin të armatosur!

Hera e fundit që ata mund të “rrëmbenin” sasi droge ndodhi në mars, në Mynih, nga ku u nxorën 185 kg kokainë. Më pas ranë prè e kurthit. Në Hamburg dhe Hanover, në fund të prillit forcat speciale arrestuan 9 të dyshuar, e pak më vonë edhe 3 të tjerë, shumica shqiptarë. Atyre iu sekuestruan 180 kg kokainë, 30 mijë euro dhe dy armë. Por puna e hetuesve vetëm sa ka filluar. Tashmë ata janë në kërkim të bashkëpunëtorëve të tyre.

Në total, nga disa vendndodhje në Gjermani (Hamburg, Hesse, North Rhine-Westphalia, Bavaria dhe Saarland) dhe përgjatë muajve të fundit (shtator 2017-prill 2018), të hënën u njoftua se ishin sekuestruar afro një ton kokainë. Sipas policisë gjermane, rrjeti i narkotrafikantëve ka shitur deri në 1.8 tonë kokainë.

 
 
 

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Babai i Ibrahim Bashës: Djalin ma vranë me snajper, shteti hesht!

Aktualitet

Babai i Ibrahim Bashës: Djalin ma vranë me snajper, shteti hesht!

Në një video, pak muaj përpara se të ndahej nga jeta, Ibrahim Basha shihet duke bërë stërvitje. Ai kishte marrë pjesë në disa misione në Afganistan me trupat ushatarake, ishte...

Ndalet koha në kopshtin e Prrenjasit, kushtet si para vitit 1990

Aktualitet

Ndalet koha në kopshtin e Prrenjasit, kushtet si para vitit 1990

Kamera e emisionit BOOM ka shkuar në qytetin e vogël të Prrenjasit, për të parë kushtet e kopshtit publik të këtij qyteti. Aty duket sikur koha ka ndaluar, pasi kushtet janë...

Kate Middleton tregon vështirësitë e të qenurit nënë

Lifestyle

Kate Middleton tregon vështirësitë e të qenurit nënë

Kate Middleton ka treguar së fundmi vështirësitë e të qenurit nënë. Dukesha është nënë e tre fëmijëve dhe ka ndarë me të gjithë, sfidat e të qenurit prind. “Është shumë e...

Sondazh

Nothing found!

Sondazh

Nothing found!