Politikani i LSI-së publikon faktet e raportit italian anti-drogë

E Enjte, 12 July 2018 10:08

Raporti i Drejtorise Qendrore te Antidroges Italiane paraqet situaten tronditese lidhur me drogen,nje situate kjo e paprecedente ne historine e pluralizmit shqiptar per nga permasat,infiltrimi dhe perfshirja e qeverise.

Kryetari i Grupi Parlamentar të LSI-së, Petrit Vasili, publikoi pikat kryesore që paraqet raporti. Sipas tij, drogështeti që sundon në Shqipëri është tashmë një konstatim që europianët po e bëjnë qartë me fakte demaskuese dhe shifra të frikshme. “Keto jane fakte te tmerrshme te cilat jane sot perpara cdo shqiptari dhe qe rrenojne ne cdo ore e cast sigurine e vendit,shkaterrojne te tashmen dhe te ardhmen e te rinjve,asgjesojne ekonomine e vendit dhe bisneset e ndershme dhe pengojne integrimin europian te Shqiperise duke e izoluar ate” shkruan Vasili në rrjetin social facebook.

Ja çfare paraqet shume qarte raporti:

1."Shqipëria është vendi i origjinës së shumicës së sasive të kanabisit që kanë si destinacion tregjet italiane dhe evropiane’.

2."Importet e marijuanës në Itali janë rritur ndjeshëm duke arritur në vitin 2017 në një rekord të konfiskimeve, mbi 90 ton nga rreth 41 tonë që ishin në vitin 2016".

3."për më tepër klanet shqiptare kanë treguar se kanë një aftësi në rritje të menaxhimit në kultivimin e marijuanës dhe trafikimit të saj’.

Sipas dokumentit, ato përdorin bimë me rendiment të lartë dhe metodat gjithnjë e më të larmishme të fshehjes, kultivimit dhe transportimit në brigjet italiane.

4. "grupet e krimit shqiptar konkurrojnë me organizata të tjera kriminale për kontrollin e pjesëve të rrugëve të trafikimit që arrijnë në Itali, si dhe për menaxhimin e rrjeteve të shpërndarjes së drogës.

5.Nga të dhënat e raportit shqiptarët zinin vendin e parë në rrjetet kriminale të huaja të arkotrafikut të përfshirë në trafikun e drogës.

6.Raporti vlerëson se 94 rastet e raportuara në vitin 2017 të trafikimit të drogës janë më të lartat në dekadën e fundit ndërkohë që vlera më e ulët shënohej në vitin 2011, me 49 raste.

7.Në zonat kufitare lidhur me trafikun e marijuanës shënohet edhe numri më i madh i shqiptarëve të arrestuar, 41 persona nga 93 të huaj të ndaluar në kufijtë italianë përgjatë vitit 2017 me ngarkesa marijuane.

8."Por grupet shqiptare nuk e kanë kufizuar aktivitetin e tyre vetëm në trafikun e marijuanës. Raporti i Antidrogës italiane shpreh shqetësimin se ‘së bashku me 'Ndrangheta' në Kalabri, e cila falë një rrjeti kompleks të lidhjeve ndërkombëtare ka ende një rol kyç në trafikimin e kokainës në Itali, gjatë vitit 2017.

Veçanërisht këta të fundit, si dëshmi e një hopi cilësor në aftësitë e tyre operative, konkurrojnë me grupimet e tjera kriminale, kontrollin e segmenteve të rrugëve të trafikut në Itali dhe drejtimin e rrjeteve të shpërndarjes në territorin kombëtar të substancave kryesore narkotike’.

9."Shqiptarë vijnë të dytët në personat e huaj të arrestuar për trafik dhe shpërndarje të kokainës (me rreth 1.100 persona të arrestuar).

10."Persona të huaj që janë përfshirë në vepra të drogës në Itali përgjatë vitit 2017, nga të cilët janë arrestuar më shumë se 10 mijë, rreth 2.000 persona kanë qenë nga Shqipëria.

11.Per shtrirjen e aktivitetit edhe në Europë të grupeve shqiptare të cilat “renditen mes atyre më aktive, sa i përket mundësive operative, duke nisur nga aftësitë e kontrollit në fazën e zbarkimit dhe tërheqjes së furnizimit në portet holandeze dhe belge, të përdorura për futjen në Europë të kokainës, duke shfrytëzuar aftësitë e infiltrimit në strukturat logjistike dhe portuale të lëvizjeve të kontenierëve.

12.Raporti ka dokumentuar organizimin kapilar të rrjetit të shpërndarjes së kokainë në territorin europiane që lidhet me organizata kriminale shqiptare, si dhe mundësitë e mëdha në mjete dhe persona që përdoren për këtë qëllim”.

Eshte e qarte ne driten e diellit se Drogeshteti po sundon ne Shqiperi. Kush nuk e sheh eshte miop, kush e sheh dhe e mbron eshte armik i vendit te tij.

Modifikuar më E Enjte, 12 July 2018 10:33

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Haradinaj kërkon votën e Samoa-s për në organizatat ndërkombëtare

Bota Shqiptare

Haradinaj kërkon votën e Samoa-s për në organizatat ndërkombëtare

“Kosova është mirënjohëse që shteti i Samoa-s e njohu pavarësinë e vendi dhe tani vota e këtij shteti anëtare e OKB-së, është tejet e nevojshme, për fuqizimin ndërkombëtar të vendit”...

E rëndë/ Tragjedi në Lezhë, dy të rinj bien në pus dhe vdesin

Aktualitet

E rëndë/ Tragjedi në Lezhë, dy të rinj bien në pus dhe vdesin

Një tragjedi e vërtetë ka ndodhur në Lezhë sot paradite.  Dy të rinj kanë humbur jetën pasi janë zënë nga një masiv dheu në një pus. Ngjarja e rëndë ka ndodhur...

Lubonja përshëndet nismën e Bashës: Rama nuk qeveris dot pa oligarkët

Politikë

Lubonja përshëndet nismën e Bashës: Rama nuk qeveris dot pa oligarkët

Analisti Fatos Lubonja ka komentuar nismën e ndërmarrë nga Partia Demokratike për ‘Çlirimin e Ekonomisë’ nga krimi. Sipas Lubonjës, kjo lëvizje i duket pozitive, pasi është mënyra për t’i treguar kryeministrit...