Presidenti Polak i Auditimit: KLSH me standarde evropiane, meritë e Kryetarit Bujar Leskaj

E mërkurë, 11 July 2018 19:06

Ka përfunduar projekti i binjakëzimit mes Shqipërisë,Polonisë dhe Kroacisë mbi “Forcimin e kapaciteteve të auditimit të jashtë”. Në ceremoninë e mbylljes, Kreu i Kontrollit të Lartë të Shtetit, Bujar Leskaj, tha se ka ndikuar në rritjen e standardit të punës së KLSH dhe se bashkëpunimet do të vijojnë.

“Nëpërmjet këtij projekti binjakëzimi, transferimi i njohurive dhe aftësive tek audituesit e KLSH-së, ka përmirësuar dhe do të vijojë të përmirësojë standardet dhe transparencën e metodave të punës. Së dyti, KLSH përballë sfidave të zhvillimit po mbështetet tek një personel me kualifikime të larta dhe sisteme e procese moderne menaxhimi. Dobia më e madhe dhe vlera e shtuar e këtij projekti të financuar nga BE qëndron në faktin se ai vendos piketa të qëndrueshme për zhvillimin e auditimit të jashtëm publik për vitet 2020-2025 , kohë kur sigurisht Shqipëria do të jetë vend anëtar me të drejta të plota në Bashkimin Europian”.

Ambasadorja e Bashkimit Europiane i ka kërkuar institucioneve shqiptare të bëjnë kujdes me menaxhimin e parave publike, ndërsa ka vlerësuar punën e Kontrollit të Lartë të Shtetit.“Qeverisja e mirë ekonomike dhe lufta kundër korrupsionit janë themel për çdo shtet që do të bashkohet me BE. Kjo nënkupton që ne duam që financat publike të mirëmenaxhohen në mënyrë të përgjegjshme. Qytetarët shqiptarë kanë të gjitha të drejtat për të ditur se çfarë është bërë me paratë e tyre. BE-ja do të mbështesë KLSH-në për të përmirësuar cilësinë e raporteve për t’i bërë sa më të kuptueshme për qytetarët. Po ashtu është shumë i rëndësishëm përçimi i rolit të KLSH-së dhe parlamentit për të parë se si zbatohen rekomandimet. Edhe shoqëria civile ka një rol të rëndësishëm në këtë rast ndaj duhet të jetë më aktive”. Deklaratën ambasadorja e BE-së Vlahutin e bëri në konferencën përmbyllëse “institucionet supreme të auditimit shikojnë drejt të ardhmes” projekt i financuar nga Bashkimi Europian.

Të pranishëm në këtë ceremoni ishin Presidenti  i Zyrës Kombëtare të Auditimit të Polonis, z. Krzysztof Kwiatkowski dhe Presidenti i Zyrës së Auditimit të Kroacisë, Ivan Kleshiç. Presidenti Kwiatkowski e vlerësoi me nota të larta punën 7 vjeçare të Kryetarit të Kontrollit të Lartë të Shtetit, Bujar Leskaj, duke theksuar se KLSH është sot një institucion i modernizuar me standardet e homologeve evropiane.

Projekt i financuar nga BE  me vlerë prej 2.1 milionë euro realizoi 93 misione ekspertësh, 6 vizita  pune dhe shkëmbime eksperiencash dhe pati një shtrirje kohore më shumë se dy vite

Modifikuar më E mërkurë, 11 July 2018 19:21

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Drithërima në Korçë, Skënderbeu barazon në fund të ndehsjes kundër Tiranës

Sport

Drithërima në Korçë, Skënderbeu barazon në fund të ndehsjes kundër Tiranës

Nuk ka fitues në supersfidën mes Skënderbeut dhe Tiranës. Një gol i Oto John 3 minuta nga fundi shpëtoi skuadrën e Orges Shehit nga humbja.Për Tiranën shënoi Edon Hasani në...

Vetëhelmohet e reja në Krujë

Aktualitet

Vetëhelmohet e reja në Krujë

Një 20 vjeçare në Krujë ka tentuar të vetëhelmohet dy ditë më parë. Mësohet se e reja me inicialet A.M nga fshati Larushk ka pirë mbidozë ilaçesh, por fatmirësisht është dërguar...

Ja kush e "spiunoi" pilotin e dehur në Rinas, anulloi fluturimin

Aktualitet

Ja kush e "spiunoi" pilotin e dehur në Rinas, anulloi fluturimin

Policia Kufitare e Rinasit e angazhuar për sigurinë e jetës së pasagjerëve të linjave ajrore. Bllokohet nga Policia Kufitare fluturimi i një avioni, pasi kapiteni kishte konsumuar alkool. Procedohet penalisht në gjendje...