Gafa e Ballës/ Miratoi Reformën në Drejtësi, por s’di ku bëhet kallëzimi

Tuesday, 10 July 2018 20:19

Taulant Balla kallëzoi kreun e Partisë Demokratike Lulzim Basha në Prokurorinë e Krimeve të Renda për deklaratat  në lidhje me çështjen e “Toyota Yaris”. Dhe menjëherë pas kallëzimit lajmëroi se Basha do të thirret të japë shpjegime nga kjo prokurori. Por, Taulanti edhe pse është një ndër votuesit e “Reformës Rama” në Drejtësi nuk e di se akuza e “shpifjes” për deputetët e Parlamentit nuk gjykohet nga Gjykata e Krimeve të Renda, por në nmjë Gjykatë të zakonshme rrethi.

Kështu e ka argumentuar edhe kryedemokrati në kërkesën për të shpallur mos kompetencën për akuzën e ngritur nga Taulant Balla. Në argumentet drejtuar Gjykatës së Shkallës së Parë të Krimeve të Rënda, Basha shpreh fillimisht vlerësimin për shpejtësinë me të cilën Gjykata ka proceduar me trajtimin e kësaj kërkese, teksa shton se “dëshiroj të besoj dhe uroj që kjo shpejtësi maksimale në trajtimin e kësaj kërkese për gjykim, është një standard që Gjykata e Shkallës së Parë për Krime të Rënda e aplikon në çdo çështje penale që paraqitet aty, përfshirë çështjet penale për vepra të rënda penale si trafikimi i lëndëve narkotike, trafikimi i qenieve njerëzore, pjesëmarrja në grupe të strukturara kriminale apo organizata kriminale, korrupsion, etj. Referuar dispozitës tranzitore të përfshirë në Kodin e Procedurës Penale, si dhe Vendimit Njësues të Kolegjit Penal të Gjykatës së Lartë, deri në momentin e krijimit të Gjykatës kundër Korrupsionit dhe Krimit të Organizuar, shqyrtimi i kërkesës për gjykim ndaj një deputeti, për veprën penale “Shpifje”, është në kompetencën lëndore të gjykatave të rretheve gjyqësore dhe apeleve me juridiksion të përgjithshëm penal” shprehet Basha.

Në rastin konkret, kompetenca lëndore për gjykimin e kësaj kërkese i përket Gjykatës së Rrethit Gjyqësor Tiranë.

“Si rregull, në kushtet kur viktima akuzues Taulant Balla, është deputet i Kuvendit të Shqipërisë, dhe ka votuar, pas shqyrtimit, ndryshimet që i janë bërë Kodit të Procedurës Penale, ai prezumohet se ka dijeni të plotë që shqyrtimi i kërkesës që ka paraqitur nuk është në kompetencën e Gjykatës së Shkallës së Parë për Krimet e Rënda, sipas legjislacionit procedural në fuqi. Mirëpo, ne duam të besojmë se paraqitja e saj në një gjykatë jo kompetente ka ndodhur si pasojë e një lajthitje juridike momentale dhe mungesës së vëmendjes e kujdesit të duhur nga ana e viktimës akuzues” shkruan Basha në kërkesën dërguar Gjykatës.

Edhe vetë gjykata i dha të drejtë sot kryedemokratit Basha, duke nxjerrë njëkohësisht edhe injorancën juridike të një ligjvënësi që i ka votuar vetë ndryshimet Kushtetuese.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Strazimiri: Kushti i qeverisë, po nuk ke vëlla kriminel...në burg, faktet flasin vetë

Politikë

Strazimiri: Kushti i qeverisë, po nuk ke vëlla kriminel...në burg, faktet flasin vetë

Deputeti i Partisë Demokratike, Gent Strazimiri, ka reaguar pas informacioneve të fundit se autoritetet zyrtare në Tiranë po përgatisin lirimin nga burgu të Artur Karajt, një trafikant ndërkombëtar qeniesh njerëzore...

Taksa në Rrugën e Kombit, qeveria nuk përcakton përjashtime për invalidët në Kukës

Aktualitet

Taksa në Rrugën e Kombit, qeveria nuk përcakton përjashtime për invalidët në Kukës

Paketa lehtësuese për lëvizjen në Rrugën e Kombit e bërë publike nga Qeveria më 22 qershor nuk parashikon asgjë në lidhje me invalidët. Neni 16 i statusit të Invalidit, e përjashton...

Mbërrin i nxehti afrikan në Shqipëri, ja kur do ulen temperaturat

Aktualitet

Mbërrin i nxehti afrikan në Shqipëri, ja kur do ulen temperaturat

Shqipëria do të përfshihet nga vala e të nxehtit. Sipas METEOALB, kjo fundjavë pritet të jetë përvëluese. Shqipëria do mbetet në periferi të valës së të nxehtit Afrikan, e cila gjatë...