Rrethimi amerikan, pse Tahiri sulmoi ambasadën?

E Enjte, 01 November 2018 13:35

Bledi KASMI

Saimir Tahiri doli në një konferencë shtypi për të treguar se ishte i “virgjër” në lidhje me hetimin ndaj tij për lidhjet me bandën e Habilajve për trafikun e drogës. Ai paraqiti prova nga gjykata italiane , e cila sipas tij ka mbyllur hetimet për Tahirin. Po çfarë hetimesh nga kryet Italia? Këtë Tahiri nuk e tha.
Hetimet italiane për Tahirin nuk kanë të bëjnë aspak me trafikun e drogës dhe bashkëpunimin e tij me grupin e Habilajve. Italia ka thënë se e ka hetuar Tahirin për vetëm dy episode.
Episodi i parë ka të bëjë me blerjen e një argjendarie të kushtueshme nga grupi i Habilajve për gruan e Tahirit dhe episodi i dytë ka të bëjë me blerjen e një kostumi për Tahirin po në Itali.
A mundet këto dy episode qesharake të mbulojnë trafikun e drogës të Tahirit?
Këtë nuk e beson askush, madje as vetë Tahiri dhe as Rama, por ata po mundohen që ta përdorin për të mbuluar subjektin kryesor të hetimit që është trafiku i drogës, lidhjet e bandës së Tahirit me Habilajt dhe se si është përdorur pushteti i tij si ministër i Brendshëm për të mbjellë të gjithë vendin me drogë.
Dalja e Tahirit sot në konferencë për shtyp na jep një sinjal të qartë të një bashkëpunimi të ri të tij me Ramën. Pas largimit të Fatmir Xhafës, Tahiri ka lëshuar të gjitha bateritë e tij kundër opozitës me një fjalor të huazuar nga Rama. Por, bashkë me opozitën Tahiri ka sulmuar edhe Ambasadën amerikane.
Po pse Rama dhe Tahiri në aleancë me njëri tjetrin po sulmojnë ambasadën amerikane?

Kjo është e thjeshtë për tu kuptuar. E para, ka të bëjë me faktin se shpëtimi i Tahirit pengohet direkt nga ambasada amerikane dhe qëndrimi i është bërë i qartë Ramës dhe Arta Markut nga qeveria amerikane në lidhje me këtë hetim. Shtetet e Bashkuara kanë paralajmëruar direkt Ramën publikisht dhe zyrtarisht se nëse do të mbyllen hetimet për Tahirin dhe Shullazin, atëhere ata do të merren direkt me vetë Ramën dhe Markun.
Prova e qartë se amerikanët e kanë seriozisht kësaj here është ndjekja e seancave gjyqësore ndaj Shullazit nga përfaqësues të ambasadës amerikane që në fakt është një nga rastet e rralla në praktikat diplomatike, por është një dëshmi se amerikanët nuk kanë asnjë besim në kushtet e reja të krijuara me një drejtësi të komanduar politikisht.
E dyta, ky hetim që nuk mbyllet e tremb Ramën, sepse nëse Tahiri shkon në burg, ashtu sikurse pritet të ndodhë, atëhere bashkë me Tahirin rrezikon edhe Rama.
Të gjendur në kushte të një rrethimi amerikan si Rama dhe Tahiri po kërkojnë të përdorin një përgjigje rutinore të Antimafias italiane në lidhje me hetimin e episodeve terciale të dosjes së drogës së bandës Habilaj-Tahiri. Në fakt as kjo strategji nuk mund ti hedhë hi syve as opinionit public në Shqipëri dhe as amerikanëve mbi provat në dosjen për Tahirin dhe prej këtej as mund të shpresohet që të shpëtohet Rama.
Për të kuptuar se përse Tahiri sulmoi sot ambasadën amerikane duhet të kujtojmë deklaratat që bëri ish ambasadori një ditë përpara se Gjykata të lironte nga arrseti shtëpiak Tahirin.
“Kemi dëgjuar disa raportime nga burime të pavarura për presione serioze në këtë çështje, përfshirë edhe ryshfete që u janë ofruar gjykatësve. Ne i bëjmë thirrje shoqërisë civile dhe medias që ta vëzhgojnë këtë çështje me vëmendje, në mënyrë që vendimi të bazohet mbi provat dhe ligjin dhe jo mbi presione, kërcënime apo para. Askush nuk është mbi ligjin”, tha Ambasadori Donald Lu. Ambasada më pas reagoi duke u shprehur se i qëndronte deklaratave të dhëna nga ambasadori Donald Lu.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Kosova, të martën bëhet anëtare e INTERPOL-it

Bota Shqiptare

Kosova, të martën bëhet anëtare e INTERPOL-it

Ministri i Punëve të Jashtme në Qeverinë e Kosovës, Behgjet Pacolli, u shpreh optimist se Kosova nga nesër do të jetë anëtare e organizatës policore ndërkombëtare - INTERPOL. "Vota pro është...

LAJM I FUNDIT/ Kërkohet dorëheqja e deputetit të PS, fyeu fëmijët autikë

Aktualitet

LAJM I FUNDIT/ Kërkohet dorëheqja e deputetit të PS, fyeu fëmijët autikë

Ndaj gjuhës fyese të deputetit socialist Alket Hyseni kundrejt autikëve ka reaguar edhe drejtuesja e fondacionit “Down Syndrome Albania” Emanuela Pepkola Zaimi e cila ka kërkuar dorëheqjen. “Alket Hyseni jepni dorëheqjen”...

5 vjet pa Sokol Olldashin, Basha status të veçantë

Politikë

5 vjet pa Sokol Olldashin, Basha status të veçantë

Kryetari i PD-së Lulzim Basha ka përkujtuar ish-ministrin dhe deputetin demokrat Sokoll Olldashi në 5-vjetorin e ndarjes së tij nga jeta. kryetari i PD-së Lulzim Basha, e kujton përmes një mesazhi...

Sondazh

Nothing found!

Sondazh

Nothing found!