Vij nga një vend ish-komunist...Familja ngel e shenjtë!

E mërkurë, 10 October 2018 18:04

Nga Tritan Shehu/
Fjala ime sot ne Asamblene e KiE, ne emer te grupit PPE/DC, gjate diskutimit te nje rezolute te paraqitur për familjen:
Fillimisht, dua të falënderoj autorët dhe relatorët e kësaj Rezolute për disa probleme reale të paraqitura, të cilat duhet te përballohen.
Unë vij nga një vend ish-komunist, Shqipëria. Jam kundër çdo forme diskriminimi ndaj të tjerëve. Isha pikërisht unë, ai që në vitin 1991, këmbëngula në parlamentin tim qe të hiqeshin paragrafët e kodit penal që dënonin homoseksualët. Në vijim, isha përsëri unë, një nga promotorët e ligjit shqiptar kundër diskriminimit, bazuar në kriteret e Këshillit të Evropës.
Por nga ana tjetër unë nuk pajtohem me shumë interpretime dhe konkluzione të Rezolutës, të cilat nuk janë në përputhje me vlerat tona universale, vlerat ndaj familjes që mbetet shtylla e shoqërisë sonë. Familja është e shenjtë, koncepti i saj i përbërjes nga një burrë, një grua dhe me shpresën në Zot që në të ardhmen të kenë edhe fëmijë, nuk mund te ndryshojë me ligje apo vendime.
Të dashur kolegë, koncepti i familjes nuk mund trajtohet ”thjeshtësisht”, familja është e lidhur me vetë jetën, me ekzistencën tonë si specie e si shoqëri njerëzore.
Në Rezolutë gjithashtu flitet për adoptimin e fëmijëve nga kopjet homoseksuale. Edhe këtu shikoj probleme. Fëmijët, jeta e tyre, jeta e tyre në një familje, duhet të jetë në përputhje me konceptet thelbësore të Familjes, kështu që edhe rregullat ligjore për adoptimin e fëmijëve duhet t’i njohin, t’i respektojë e të përshtatet me to. Unë e kuptoj vullnetin e mirë të shumicës së kopjeve homoseksuale për të adoptuar fëmijët dhe dëshirën që fëmijët të rriten me ta, por ketu ka disa parime shumë më të thella dhe të domosdoshme. Absolutisht, nuk dua të ofendoj askënd, por mendoj se kështu nuk mund të funksionojë. Një fëmijë do të duhet të thërrasë prindërit e tij "mami dhe babi". Kjo gjë konfirmohet nga jeta jonë me mijëra vite, këto janë vlerat tona ne themelet e ekzistencës dhe kulturës sonë, të cilat ne duhet t'i mbrojmë.
Nga ana tjetër, për të drejtat financiare, trashëgimitë etj., çiftet homoseksuale që bashkëjetojnë ose madje edhe heteroseksualët që nuk janë të martuar, si flitet me të drejtë në Draft – Rezolutë, perbejne akte të tjera, qe mund te vendosen në kodet civile ose penale, por që nuk do të duhet të perzihen me Kodin e familjes ose ligje të tjera ekuivalente.
Për të gjitha këto kontradikta që mbart kjo rezolutë, unë shprehem kundër dhe e konsideroj ate të papërshtatshme.

Modifikuar më E mërkurë, 10 October 2018 18:06

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Protesta, studentët vënë drynin tek Fakulteti Ekonomik

Aktualitet

Protesta, studentët vënë drynin tek Fakulteti Ekonomik

Studentët kanë bërë thirrje sërish që të bojkotojnë mësimin dhe t’i drejtohen kryeministrisë për të vazhduar protestën e tyre. Ndërkohë studentët kanë vënë drynin tek fakluteti Ekonomik në Tiranë Pak me heret...

Universiteti i Gjirokastrës distancohet nga Panajot Barka

Politikë

Universiteti i Gjirokastrës distancohet nga Panajot Barka

Universiteti i Gjirokastrës në një deklaratë për mediat ka reaguar pas ndalimit të pedagogut   Panajot Barka dy ditë më parë në pikën e kalimit kufitar të Kakavijës, pasi iu gjetën...

Kulturë

Morena Taraku dhe Sabri Fejzullahu finalizojnë duetin “Dashuri”

Ka kohë që është paralajmëruar një duet mes Sabri Fejzullahut dhe Morena Tarakut. Morena Taraku përmes një statusi që sapo ka publikuar në InstaStory, ka bërë të ditur që ky projekt...

Sondazh

Nothing found!

Sondazh

Nothing found!