Miratohen sanksione të reja kundër përdorimit të armëve kimike

Hënë, 15 October 2018 12:08

Ministrat e Jashtëm të Bashkimit Evropian kanë miratuar sanksione të reja, të cilat shënjestrojnë personat që përdorin armë kimike në gjithë botën.

Vendimi i 15 tetorit, do t’i lejojë Bashkimit Evropian të ngrijë asetet dhe të refuzojë vizat për personat dhe subjektet që zhvillojnë dhe përdorin armët kimike, pavarësisht kombësisë dhe vendit ku janë.

Individët dhe subjektet e BE-së, po ashtu nuk kanë të drejtë të financojnë personat që përfshihen në këtë listë.

Ky hap vjen pas përdorimit të shpeshtë të armëve kimike nga presidenti sirian, Bashar al-Assad në Siri, si dhe helmimi i agjentit rus, Sergei Skripal, dhe vajzës së tij Yulia në qytetin britanik, Sallsbëri në muajin mars.

Për helmim të Skripalëve, Londra ka fajësuar Qeverinë Ruse, ndërsa kjo e fundit ka mohuar përfshirjen në këtë incident.

Përveç miratimit të sanksioneve, autoritetet kanë njoftuar edhe se janë duke punuar në listimin e personave në regjimin e ri.

Sipas një draft-dokumenti të parë nga Radio Evropa e Lirë, që do të shqyrtohet në Samitin Evropian më 18 tetor në Bruksel, liderët evropianë “do të synojnë që të fillojë zbatimi i sanksioneve për personat dhe subjektet e listuara”.

Në këtë samit, pritet të diskutohet edhe mundësia e krijimit të një regjimit të ri sanksionesh që do të luftojë sulmet kibernetike, pas akuzave të autoriteteve britanike dhe atyre holandeze këtë muaj, se agjentët rusë kanë tentuar të hakojnë Organizatën për Ndalimin e Armëve Kimike në muajin prill.

Në këtë dokument, po ashtu, kërkohet që “në mënyrë që të fuqizohet rezistenca e BE-së kundër sulmeve kibernetike, negociatat për të gjitha propozimet rreth sigurisë kibernetike duhet të kryhen para se të përfundojë legjislatura”.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

“Lufta është paqe. Liria është skllavëri. Injoranca është fuqi”!

Kulturë

“Lufta është paqe. Liria është skllavëri. Injoranca është fuqi”!

Megjithëse George Orwell ka shkruar vetëm gjashtë romane, vepra e tij i ka dhënë një vend të merituar në majë të listave të shkrimtarëve më të mirë. Ndikimi i tij...

Rrugëtimi 100 vjeçar pas vdekjes, i Ismail Qemalit

Kulturë

Rrugëtimi 100 vjeçar pas vdekjes, i Ismail Qemalit

Në përkujtim të 100-vjetorit të vdekjes së Ismail Qemalit, Muzeu Historik Kombëtar do të organizojë një tryezë shkencore dhe do të hapë ekspozitën me titull “Rrugëtim – Ismail Qemali ndër...

George Clooney drejt divorcit? Bashkëshortja e tij ka marrë fëmijët dhe është larguar

Show-biz

George Clooney drejt divorcit? Bashkëshortja e tij ka marrë fëmijët dhe është larguar

Martesa e tyre katërvjeçare konsiderohet të jetë një nga më të qëndrushmet në showbiz. Por dje, raportet e bujshme pohuan se George dhe Amal Clooney janë në shkëmbinj. Martesa e tyre...

Sondazh

Nothing found!

Sondazh

Nothing found!