Katër të ekzekutuarit e revoltës së Spaçit

E mërkurë, 16 May 2018 18:46
Pjesë nga dispozitivi i vendimit të Gjykatës së Lartë në Spaç Pjesë nga dispozitivi i vendimit të Gjykatës së Lartë në Spaç

Nga Kastriot Dervishi

 

Pas shtypjes së revoltës, regjimi kishte nevojë të jepte një shembull ndëshkimi të menjëhershëm kundër të dënuarve. Hetimet për grupin e parë u bënë në Spaç dhe në Rrëshen. Në përfundim të hetimeve, hetuesi Shaban Dani me miratimin e prokurorit Sotir Vaso hartoi aktakuzën kundrejt grupit të 12 të pandehurve. Gjykata e Lartë e drejtuar nga Hilmi Telegrafi me ndihmësanëtarë Mit’hat Goskova e Ymer Aliko, duke pasur prokuror Zaim Myftarin u zhvendos në Spaç. Për herë të parë Spaçi po shërbente edhe si seli e Gjykatës së Lartë. Me vendimin nr.1, datë 24.5.1973, pra një ditë pas shtypjes së revoltës, gjykata deklaroi fajtorë Skënder Dajën, Dervish Bejkon, Hajri Pashajn dhe Pal Zefin, duke i dënuar me vdekje pushkatim, konfiskimin e pasurisë së pjesës së tij dhe me humbjen e të drejtës zgjedhore për 5 vjet. Dashnor Kazazi, Luan Burimi, Syrja Lame, Sami Dangëllia, Lush (Paulin) Vata, Jorgo Papa, Hodo Sokoli dhe Luan Koka u dënuan me nga 25 vjet burgim dhe konfiskim të pasurisë dhe me humbjen e së drejtës zgjedhore për 5 vjet kohë.

Për t’u shënuar te ky proces është fakti se Pal Zefi në hetuesi thotë se ushqimi në burg u jepej i helmuar për t’i çuar në vdekje të ngadaltë. Zefi deklaroi se nuk e donte këtë pushtet se e kishte dënuar me pa të drejtë dhe e mbante në burg.

Hetuesit e procesit të pare ishin: Shaban Dani, Fejzo Aloçi, Pelivan Luçi, Misto Shunda, Rustem Çipi, Vasil Milo, Irfan Shaqiri, Dhimo Sinani, Hamdi Meta, Sali Budo.   

Modifikuar më E mërkurë, 16 May 2018 18:51

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

20 miliardë lekë vjedhje taksapaguesve me rimbursimet falso të ilaçeve

Aktualitet

20 miliardë lekë vjedhje taksapaguesve me rimbursimet falso të ilaçeve

Një tjetër skemë mashtrimi dyshohet me barnat me rimbursim. Bëhet fjalë për afro dy miliardë lekë (të reja ose 20 miliardë lekë të vjetra) , të cilat nuk dihet se...

Shihni çfarë ka mbetur pas zjarrit në Tiranë

Aktualitet

Shihni çfarë ka mbetur pas zjarrit në Tiranë

 Një magazinë është përfshirë nga flakët pasditen e sotme pranë ‘Farmacisë 10’ në Tiranë.   Në pamjet shihet se magazina ka qenë me pajisje elektroshtëpiake të cilat janë djegur pothuajse plotësisht. Në vendngjarje...

Humbet 60 mijë euro në kazino, shqiptari terrorizon me armë

Aktualitet

Humbet 60 mijë euro në kazino, shqiptari terrorizon me armë

Një shqiptar në Spanjë rrezikon të dënohet me 15 vite burg, pasi kishte qëlluar me armë ndaj stafit të një kazinoje. Kjo ngjarje ka ndodhur në korrik të vitit 2015 ne...