Kursi i Panaritit në mars 1944, hiqet edhe Dushan Mugosha

Premte, 10 August 2018 10:59
Fotoja në mars 1944 në Panarit. Sipër origjinali e poshtë varianti i retushuar në librin "Enveri ynë", Tiranë 1988 Fotoja në mars 1944 në Panarit. Sipër origjinali e poshtë varianti i retushuar në librin "Enveri ynë", Tiranë 1988

Nga Kastriot Dervishi

Komunistët mbajnë si udhëheqës të luftës së tyre civile dhe për pushtet, Enver Hoxhën. Në të vërtetë ky nuk ka qenë gjë tjetër veçse ekzekutor i vendimeve që merrnin udhëheqësit politikë e ushtarakë, Miladin Popoviçi dhe Dushan Mugosha. Urrejtjen që këta kishin ndaj shqiptarëve nacionalistë e demonstronin me veprime gjakatare ndaj tyre, siç edhe ka ndodhur.

Në mars 1944, udhëheqësi ushtarak më i lartë i LANÇ-it, Dushan Mugosha, zhvilloi në Panarit të Korçës (një fshat i thellë ku ishte strukur e rrinte rehat shtabi komunist) një kurs me karakter politik dhe ushtarak me kuadrot e partisë dhe ushtrisë komuniste. Në përfundim të kursit janë bërë dy foto: njëra ku Dushani është në këmbë (nuk po e paraqesim, pasi ajo nuk është botuar ndonjëherë e për rrjedhojë nuk është retushuar) dhe tjetra ku Dushani është ulur me armë në dorë. Pikërisht fotoja e dytë është në e retushuar në librin “Enver ynë” (Tiranë 1988) të autorit Ramiz Alia. Krejt e masakruar. Synohet që referuesi i kursit të dalë Enver Hoxha, kur në të vërtetë ai është një prej nxënësve aty. Çuditërisht, në këtë foto Dushani është pa mustaqe. Pasardhësi i Hoxhës, ndonëse nuk u shqua për bollëk botimesh, në ato pak libra që nxori nuk mund t’i shmangej traditës së censurës. Këtu dy foto kanë qenë në shtëpi të Ramiz Alisë. Ato janë bërë pjesë e Arkivit të PPSH-së më 10.3.1983 kur Alia ia ka dhuruar. Punonjësit e arkivit kanë listuar në origjinalin e fotos 33 persona, por duke pasur të paqartë 6 emra të fotos në fjalë.

Disa nga emrat e censuruar të fotos nga origjinali janë: Bedri Spahiu, Koçi Xoxe, Dushan Mugosha, Nesti Kerenxhi, Ymer Dishnica, Iljaz Ahmet, Fiqret Shehu.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Ranë shkëmbinj, ja ç’po ndodh në rrugën Fushë Arrëz – Dukagjin

Aktualitet

Ranë shkëmbinj, ja ç’po ndodh në rrugën Fushë Arrëz – Dukagjin

Në segmentin rrugor Fushë Arrëz - Fushë Dukagjin, në km 52.5 nga Fushë Arrësi, pranë fabrikës në Kalimash ka pasur rrëshqitje të një sasie të skarpatës së sipërme të rrugës...

Seanca për transformimin e FSK-së në Ushtri të premten

Bota Shqiptare

Seanca për transformimin e FSK-së në Ushtri të premten

Seanca plenare e Kuvendit të Kosovës do të mbahet të premten, më 14. 12. 2018, në orën 10:00, në sallën e Kuvendit. Në rendin e ditës do të jenë: 1. Shqyrtimi i...

Veseli sot në Uashington, takime në Shtëpinë e Bardhë

Bota Shqiptare

Veseli sot në Uashington, takime në Shtëpinë e Bardhë

Kryetari i Kuvendit të Kosovës, Kadri Veseli do të qëndrojë sot në Uashington. Ai do të ketë aty takime me zyrtarë të lartë të shtetit amerikan. Veseli pritet të ketë takime...

Sondazh

Nothing found!

Sondazh

Nothing found!