Haradinaj kërkon votën e Samoa-s për në organizatat ndërkombëtare

Hënë, 24 September 2018 18:51

“Kosova është mirënjohëse që shteti i Samoa-s e njohu pavarësinë e vendi dhe tani vota e këtij shteti anëtare e OKB-së, është tejet e nevojshme, për fuqizimin ndërkombëtar të vendit”, kështu tha Kryeministri Ramush Haradinaj, pas takimit që zhvilloi me kryeministrin e Samoa-s, Susuga Tuilaepa Sailele Malielegaoi, gjatë punimeve të Asamblesë së Përgjithshme të OKB-së.

Gjatë takimit kryeministri Haradinaj e ka njoftuar homologun Malielegaoi, për progresin e Kosovës që nga shpallja e pavarësisë më 2008 e deri më tani, për orientimin properëndimor dhe për rrugën e saj drejt integrimeve euroatlantike.

“Republika e Kosovës është e përkushtuar në rrugën e saj euroatlantike dhe për këtë është duke bashkëpunuar ngushtë me partnerët e saj ndërkombëtarë në shtimin e numrit të njohjeve, forcimin e subjektivitetit ndërkombëtar dhe anëtarësim në organizata të fuqishme ndërkombëtare”, tha kryeministri Haradinaj, duke kërkuar nga kryeministri Malielegaoi përkrahjen e tij dhe të shtetit të tij për shtimin e njohjeve për Kosovën dhe anëtarësimin në institucionet ndërkombëtare.

Më tej, kryeministri Haradinaj e ka njoftuar për zhvillimet politike në Kosovë dhe rajon, për zhvillimin ekonomik, sundimin e rendit dhe të ligjit dhe për aspekte tjera me rëndësi për vendin dhe qytetarët e saj.

Kryeministri Haradinaj ka thënë se Republika e Kosovës ka krijuar raporte të mira me shumë vende dhe në këtë drejtim, drejt fuqizimit të subjektivitetit ndërkombëtar është i mirëpritur edhe avancimi i raporteve bilaterale me Samoan.

Kryeministri i Samoa-s, Susuga Tuilaepa Sailele Malielegaoi, ka përgëzuar kryeministrin Haradinaj për arritjet e shtetit të Kosovës në këtë dekadë të pavarësisë, duke thënë se Samoa do të jetë përkrahëse e Kosovës për anëtarësim në organizata ndërkombëtare, duke shprehur përkushtimin e shtetit të tij që të forcojë edhe më shumë marrëdhëniet bilaterale mes dyja vendeve.

Pjesë e takimit ishte edhe Zëvendëskryeministri dhe ministër i Jashtëm, Behgjet Pacolli.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Protesta e studentëve, fotoja që po bën xhiron e rrjetit

Politikë

Protesta e studentëve, fotoja që po bën xhiron e rrjetit

Prej disa ditësh me rradhët rruga para ministrisë së Arsimit në Tiranë është mbushur me studentë që protestojnë për uljen e tarifave si dhe për përmirësimin e cilësisë së arsimit...

Liçaj: Ramës, tepsia po i kthehet në helmetë

Aktualitet

Liçaj: Ramës, tepsia po i kthehet në helmetë

Aktori i njohur Neritan Liçaj i ftuar në "360 Gradë" në Ora News, tha se në mandatin e dytë të qeverisë nuk kemi parë asnjë vizion të qeverisë. Liçaj: Pse gjithë...

Edmond Tupja: Studentët nuk janë më gurë shahu

Aktualitet

Edmond Tupja: Studentët nuk janë më gurë shahu

Pedagogu Edmond Tupja është i ftuar mbrëmjen e sotme në emisionin “5 Pyetjet nga Babaramo” në Report Tv për të folur për protestën e studentëve prej shtatë ditësh para Ministrisë...

Sondazh

Nothing found!

Sondazh

Nothing found!