Irlanda do ta mbështesë anëtarësimin e Kosovës në BE dhe OKB

E mërkurë, 11 July 2018 07:01

Ministri i Ministrisë për Forcën e Sigurisë së Kosovës (MFSK), Rrustem Berisha ka pritur sot në një takim, ministrin e Mbrojtjes të Republikës së Irlandës, Paul Kehoe, transmeton "Zëri.info". 

Sipas njoftimi të MFSK-së, në takimin e përbashkët në mes të dy delegacioneve, ministri Berisha së bashku me ministrin e Republikës së Irlandës, Kehoe biseduan për bashkëpunimin e dyanshëm në mes të Kosovës dhe Republikës së Irlandës, MFSK-së dhe Ministrisë së Mbrojtjes të Irlandës si dhe për zhvillimet në fushën e sigurisë në Kosovë, rajon dhe më gjerë.
“Ministri Rrustem Berisha, ka falënderuar ministrin e Republikës së Irlandës Paul Kehoe për bashkëpunimin e deri tashëm dhe për ndihmën që Irlanda ka dhënë dhe po jep për Kosovën, duke e njoftuar me zhvillimet e përgjithshme në Ministri dhe në Forcën e Sigurisë së Kosovës”, thuhet në njoftimin për media.
Pas takimit të dy ministrat dhanë nga një deklaratë për media. Ministri i FSK-së zoti Rrustem Berisha në fjalën e tij ndër të tjera tha: “Patëm nderin dhe kënaqësinë që ta presim ministrin e Mbrojtjes të Republikës së Irlandës,  Paul Kehoe të cilin e njoftuan në pika të shkurta me të arriturat e FSK-së, me progresin e FSK-së, sidomos me integrimin e komuniteteve jo shumicë, pjesëmarrjen e gjinisë femërore në strukturat e FSK-së, me objektivat dhe synimet tona si dhe me procesin e transformimit të FSK-së në FAK. Në të njëjtën kohë e falënderuam ministrin e mbrojtjes Kehoe, për mbështetjen dhe për përkrahjen që na kanë dhënë në rrugëtimin tonë drejt lirisë dhe sidomos pas luftës, e që vazhdojnë të japin edhe tani në kuadër të KFOR-it. Gjithashtu e falënderuam ministrin për faktin që Irlanda ka qenë ndër të parët që e ka njohur pavarësinë Kosovës. Biseduam edhe për avancimin e bashkëpunimit të dy ministrive në fushën e sigurisë dhe për modelet e bashkëpunimit, dhe se shumë shpejtë do ta nënshkruajmë memorandumin e bashkëpunimit në mes të dy ministrive në fushën e sigurisë”.
Ndërsa, ministri i Republikës së Irlandës, Paul Kehoe falënderoi ministrin Berisha për pritjen e përzemërt dhe para mediave ndër të tjera deklaroi: “Jam i nderuar që jemi siç e përmendi ministri Berisha, ndër vendet e para që kemi njohur Pavarësinë e Kosovës. Është vizita e ime e parë në Kosovë, qëllimi i saj ishte vizita e pjesëtarëve të KFOR-it Irlandez, gjithashtu kam nderin që të jem këtu në mesin e juaj. Me ministrin biseduam për çështje të ndryshme siç është liberalizimi i vizave, integrimi në Bashkimin Evropian, në Kombet e Bashkuara etj.
Ne do të ju afrojmë ndihmën tonë të pakursyer në këto procese, dhe do të jemi gjithmonë pranë jush posa ti plotësoni kërkesat relevante. Gjatë rrugëtimit e pashë që Kosova ka një të ardhme të ndritshme bazuar në progresin e bërë. Me ministrin biseduam edhe për avancimin e bashkëpunimit, veçanërisht në përgatitjen e memorandumin të bashkëpunimit ndërmjet dy ministrive”.

Modifikuar më E mërkurë, 11 July 2018 07:07

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Të rinjtë në Kosovë rrezikojnë nga radikalizmi në lojrat online

Bota Shqiptare

Të rinjtë në Kosovë rrezikojnë nga radikalizmi në lojrat online

Egzoni dhe Rajmondi, njëri 17 tjetri 19-vjeçar luajnë me orë të tëra lojëra përmes internetit. Ata gjatë kësaj kohe bisedojnë me lojtarë të tjerë nga e gjithë bota përmes mundësisë...

Presidenti Trump kthehet në OKB një vit pas fjalimit për Korenë e Veriut

Globi

Presidenti Trump kthehet në OKB një vit pas fjalimit për Korenë e Veriut

Presidenti Donald Trump shkon të hënën në Kombet e Bashkuara për të marrë pjesë në takimet e përvitshme të udhëheqësve botërorë. Nga luftrat, tek ndryshimet e klimës, tek uria dhe...

Skënderbeu-Tirana/ Zhbllokohet supersfida, bardheblutë në avantazh

Sport

Skënderbeu-Tirana/ Zhbllokohet supersfida, bardheblutë në avantazh

Po luhet në Korçë supersfida mes Skënderbeut dhe Tiranës. Që të dy skuadrat vijnë në këtë përballje me fitore. Bardhekuqtë e Orges Shehit mposhtën Flamurtarin me rezultatin 0-2, ndërsa kryeqytetasit...