Shefja e Zyrës se BE, Apostolova: Kosova është vonuar në zbatimin e reformave

E mërkurë, 13 June 2018 09:40

Shefja e Zyrës së Bashkimit Evropian në Prishtinë, Natalyia Apostolova, tha se Kosova është vonuar në zbatimin e reformave të agjendës evropiane. Në komentet që zonja Apostolova i bëri në mbledhjen e qeverisë së Kosovës, ajo kërkoi nga kjo e fundit që të përfundojnë reformat deri në muajin shtator.
“Me shumë gjasë, jam 99% e sigurt, se shumica e komisionarëve të Bashkimit Evropian deri në fund të këtij viti do të japin dorëheqje dhe do të nisin fushatën për postet e reja. Kështu që ju do të përballeni me një periudhë kur ne do të kemi një kolegj i cili është shumë teknik por jo politik. Prandaj është tepër e rëndësishme për ju që ta shfrytëzoni këtë mundësi dhe të merrni atë çka mundeni deri në fund të këtij viti nga ne”, tha zonja Apostolova.
Ajo tha se Kosova duhet të përqendrohet më shumë në fusha të caktuara siç është përmirësimi i kushteve të të bërit biznes.
“Nuk dua të ju tregoj se sa herë në takimet tona ambasadorët e vendeve të Bashkimit Evropianë vijnë për tu ankuar për faktin se ata nuk shohin klimën e duhur për investime dhe biznes në Kosovë dhe ata kanë të drejtë”, tha zonja Apostolova.
Ministrja e Integrimit Evropian, Dhurata Hoxha, u shpreh e bindur se obligimet nga Agjenda Evropiane e Reformave, e njohur si ERA, do të përfundojnë brenda afatit të dhënë.
“Të gjitha do të përfundojnë deri në fund të shtatorit. Me këtë përkushtim do të arrijmë që afatin e shtatorit ta zëmë dhe që agjenda evropiane e reformave të përmbushet. Pa dyshim se nuk mjafton bashkëpunimi vetëm i ministrive jemi duke bashkëpunuar edhe me institucionet e tjera siç është parlamenti që të sigurohemi se prioritetet po përmbushen deri në fund dhe shumë nga prioritetet e agjendës së reformave tashmë edhe janë miratuar në qeveri ose janë në proces të miratimit në parlament. Angazhimi jonë do të vazhdojë”, tha zonja Hoxha.
Kosova deri më tani ka përfituar marrëveshjen e stabilizim asocimit me Bashkimin Evropian, por mbetet e fundit në proceset integruese në rajon ndërsa është në pritje që të përfshihet ne regjimin e udhëtimit pa viza në vendet e Evropës Perëndimore. Në të gjitha proceset Kosova përballet edhe me sfidën që paraqet fakti që edhe më tej pesë nga 28 vendet anëtare të Bashkimit Evropian nuk e kanë njohur pavarësinë e saj. VOA

Modifikuar më E mërkurë, 13 June 2018 09:40

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Braimllari: Sistemi i drejtësisë duhet të jetë i pavarur, Rama duhet të merret në hetim

Politikë

Braimllari: Sistemi i drejtësisë duhet të jetë i pavarur, Rama duhet të merret në hetim

Në një intervistë për Shijak Tv deputeti i LSI-së, Endrit Braimllari, ka folur për sistemin e drejtësisë dhe ndërhyrjet e kryeministrit. Çfarë pune ka kryeministri? u shpreh Braimllari Intervista  e plotë: Është...

Shqiptarja fiton zgjedhjet në Belgjikë dhe mallëngjen me fjalët për të atin: U kry babush!

Bota Shqiptare

Shqiptarja fiton zgjedhjet në Belgjikë dhe mallëngjen me fjalët për të atin: U kry babush!

Është vetëm 22 vjeçe dhe Deniza Miftari ka arritur të realizojë ëndrrën e saj e në të njëjtën kohë mendon se ka bërë krenar edhe të atin, i cili është ndarë nga...

Ndotja akustike në Tiranë, çdo vit 200 fëmijë ankohen për dëgjimin

Aktualitet

Ndotja akustike në Tiranë, çdo vit 200 fëmijë ankohen për dëgjimin

70 decibël ditën dhe 57 decibël natën, pra rreth 20 decibël më e lartë se standardet e Bashkimit Europian shkon norma e ndotjes akustike për Tiranën. 200 raste të reja të...

Sondazh

Nothing found!

Sondazh

Nothing found!