Driant Zeneli, përfaqësimi i Shqipërisë në bienalen e Venecias 2019

E mërkurë, 03 October 2018 10:32

 Driant Zeneli do të përfaqësojë Shqipërinë në edicionin e 58-të të Ekspozitës Ndërkombëtare të Artit në Venecia, e cilësuar një prej ngjarjeve më të rëndësishme të artit bashkëkohor botëror, në të cilën Shqipëria është pjesëmarrëse nga viti 2014 e në vazhdim në Arsenale. Ministria e Kulturës, në cilësinë e Komisionerit për Shqipërinë, ftohet të marrë pjesë në Edicionin e 58-të Ndërkombëtar të Artit, i cili do të mbahet në periudhën 11 maj- 24 nëntor 2019, në Giardini -Arsenale të Venecias, Itali. Fondacioni i Bienales, nëpërmjet presidentit të saj z. Paolo Baratta, ka paraqitur z. Ralph Rugoff si kuratorin e Ekspozitës së 58-të Ndërkombëtare të Artit, me titull “May You Live in Interesting Times”, një shprehje e gjuhës angleze që për një kohë të gjatë risjell një mallkim të lashtë kinez, i cili ngjall epoka pasigurie, krize dhe çrregullimi; “Kohë interesante”, pikërisht si kohët që po përjetojmë. Në këtë kuadër, Ministria e Kulturës njofton se Driant Zeneli, do të jetë artisti që do të përfaqësojë posaçërisht pavijonin e Shqipërisë në Ekspozitën e 58- të Ndërkombëtare të Artit - La Biennale di Venezia - me projektin me titull “Maybethe cosmos is not so extraordinary”- “Ndoshta kozmosi nuk është aq i jashtëzakonshëm”, nën kurimin e Alicia Knock, kuratore në Qendrën “Pompidou” në Departamentin e Artit Bashkëkohor, në Paris. Titulli merr shkas nga romani fantastiko-shkencor i autorit shqiptar Arion Hysenbegas, “Drejt Epsilonit të Eridanit”, i botuar në vitin 1983 (ribotuar i plotë në vitin 2018). Driant Zeneli (lindur në Shkodër, 1983), jeton dhe punon mes Tiranës dhe Milanos. “Vepra e Driant Zenelit sfidon limitet intelektuale dhe fizike, duke vendosur në skenë dhe duke performuar situata sureale dhe ironike, ndonjëherë dhe absurde. Shpesh puna e Zenelit identifikohet me ëndrrat, luan me arsyen, ndërkohë qëndërvepron me publikun. Në qendër të veprimit performativ, si dhe në punët e tjera të artistit ku përdoret gjuha e narrativës filmike, ndodhet ripërkufizimi i dështimit- si çasti themelor për të krijuar një alternativë të re”, thuhet njoftimin e ministrisë. Në vitin 2008 Zeneli fitoi çmimin ndërkombëtar “Onufri” në Tiranë dhe në vitin 2009 çmimin “The Young European Artist Award”, Trieste Contemporanea. Në vitin 2017 ai fitoi çmimin “Moroso”, Itali. Driant Zeneli ishte drejtor artistik i “Mediterranea 18”, “Bienalja e Artistëve të Rinj nga Evropa dhe Mesdheu”, që u zhvillua për herë të parë në vitin 2017 midis Tiranës dhe Durrësit. Ai është gjithashtu bashkëthemelues i Platformës së Artit Bashkëkohor Harabel në Tiranë.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Të dielën, në 96-vjetorin e Shërbimit Pyjor, vjen për lexuesit libri që duhet të kemi në bibliotekë

Aktualitet

Të dielën, në 96-vjetorin e Shërbimit Pyjor, vjen për lexuesit libri që duhet të kemi në bibliotekë

Me datën 27 Janar është dita e Shërbimit Pyjor Shqiptar, më saktë 96 vjetori i këtij shërbimi.| Në këtë ditë të shënuar për shërbimin pyjor, vjen inaugurimi i botimit “Pyjet e...

Genc Deromemaj: Përvjetorin e vdekjes së Ismail Qemalit, Bashkia e Vlorës e kthen në një festë të PS

Politikë

Genc Deromemaj: Përvjetorin e vdekjes së Ismail Qemalit, Bashkia e Vlorës e kthen në një festë të PS

Kreu i degës së PD, Vlorë, Genc Deromemaj, ka reaguar sa i përket mënyrës skandaloze se si bashkia Vlorë përkujton Ismail Qemalin. Përmes një statusi në FB, Deromemaj thotë se...

100- vjetori/Ismail Qemali në letërsi dhe artet shqiptare

Kulturë

100- vjetori/Ismail Qemali në letërsi dhe artet shqiptare

Me rastin e 100-vjetorit te vdekjes se Ismail Qemalit, po botojme nje sere veprash artistike ku trajtohet figura madheshtore e plakut te Vlores qe shpalli Pavaresine dhe ngriti Falmutrin me...

Sondazh

Nothing found!

Sondazh

Nothing found!