Elegji apo poemë kujtimi

E mërkurë, 13 June 2018 17:25

(Ose, a të kujtohet o babëloku im...!)

Nga Sejdi Berisha

1.

A të kujtohet o babëloku im
Ai burimi ku pinim ujë

E ai fliste me ne për historinë

 

2.

A të kujtohen o babëloku im

Ato majat e bjeshkëve

Prej nga panorama e Dukagjinit

Na madhështonte shikimin

 

3.

A të kujtohen o plaku im

Ato kullosat ku i ruanim delet

Edhe do gurë varresh nëpër to

A të kujtohen edhe do varreza

Para e pas shekujve të shkuar

 

4.

A të kujtohet o plak i ri

Kur barinjtë nëpër shpatina

I thurnin ëndrrat e tyre

 

5.

A të kujtohet o flokëthinjuri im

Qafa e Diellit dhe Bjeshkët e Nemuna

Që asnjëherë nuk ua kemi mësuar

As nuk ua kemi ditur

Deri në fund dhembjet

 

6.

A të kujtohet o kosëtari im

Kur livadhet nën thepat e larta

I kositnim me kosat e mprehta

Këngën e Oso Kukës suke e kënduar

 

7.

A të kujtohen o i përvuajturi i kohës

Betejat për çlirimin e atdheut

 

8.

A të kujtohet

Ti shtylla e jetës sime

Kur nën hijen e lisit

Kuvendonim për moshën tënde

E për ëndrrat e mia

 

9.

A të kujtohet ty plak i pleqërisë

Kur lumenjtë i matnim me kutin e shpirtit

 

10.

A të kujtohet o Zot shtëpie

Sofra me bukë misri

Me pak djathë e një grimë turshi

Me pak kripë e spec të djegës

Oreksin për ta provokuar

 

11.

A të kujtohen vargjet me gështenja

Në Pazar i shitnim

Për një kafshatë buke

 

12.

A të kujtohet plisi mbushur djersë

Si zdralë dukej

Pasqyrë e vuajtjeve ishte

Por edhe madhështi e krenarisë

 

13.

A të kujtohet babëloku im

Kur u shtrive në krevat

Më the:

Kurrë më nuk do ngritëm

Se toka më kërkon

E nuk i dije dhembjet e mia

Dhe ike

Por të gjeta këtu

 

14.

A të kujtohen të gjitha këto

Që një nga një t’i kokrrova

Se nuk më dhe asnjë përgjigje...

 

15.

Jo

Asgjë nuk më the

Se e ke ditur edhe din

Se historia është rrena e rrenës

 

16.

Por të gjitha këto

Edhe jetën tënde

Në defter i kam futur

 

17.

Babai im

Tash zgjate dorën

Edhe kështu në këtë fushë varresh

Mund të përshëndetemi

Se janë edhe do punë për t’u kryer

 

18.

Mbi varrin e babait

Kishte shpërthyer ujë i kthjellët

Nuk e di a ishte ujë jete

Apo lotët e plakut tim të etur

Që mua më përcëlluan...

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Tension te protesta, studentët nuk pranojnë ushtarin e Veliajt, ja si e përzunë

Politikë

Tension te protesta, studentët nuk pranojnë ushtarin e Veliajt, ja si e përzunë

Ka pasur momente tensioni në protestën e studentëve që po zhvillohet përpara kryeministrisë. Disa prej të rinjve kanë dashur që të largojnë prej aty studentin dhe aktivistin e Lëvizjes për Universitetin...

VIDEO/ Korçë, studentët braktisin takimin më rektorin: Është si Rama

Politikë

VIDEO/ Korçë, studentët braktisin takimin më rektorin: Është si Rama

Protesta e studentëve në të gjithë Shqipërinë ka vijuar edhe gjatë ditës së sotme. Ndërkohë Studentët e Universitetit të Korçës kanë braktisur një mbledhje të Senatit. Nervozimi erdhi pas fjalimit të...

Pas sulmit në Strasburg, edhe Italia forcon masat e sigurisë

Globi

Pas sulmit në Strasburg, edhe Italia forcon masat e sigurisë

Pas atentatit terrorist në Strasburg, Italia ka përshpejtuar aktivizimin e planit special të sigurisë i parashikuar për festat e fundvitit.  Ministria e Brendshme Italiane ka mbledhur me urgjencë Komitetin e Analizës...

Sondazh

Nothing found!

Sondazh

Nothing found!