A është Harallamb Karathano person i padëshiruar për shtetin shqiptar?

Premte, 09 November 2018 10:22

Nga Kastriot Dervishi

Personat e padëshiruar janë ata që vazhdimisht e me çdo mjet ushtrojnë veprimtari kundër shtetit që i ka shpallur të padëshiruar. Kjo del kryesisht nga bashkërendimi i të dhënave midis shërbimit sekret, policisë dhe ministrisë së jashtme. Nisur nga ajo që u mësua dje, kam shumë pikëpyetje për shtetasin grek Harallamb Karathano dhe grupin që e shoqëroi atë. SHISH nuk ka detyrimin të japë deklarata publike, por Ministria e Brendshme (jo policia) dhe Ministria për Europën dhe Punët e Jashtme kanë detyrimin të njoftojnë në bën pjesë apo jo Karathanos në listën e personave të padëshiruar të shtetit shqiptar? Nëse ka hyrë në mënyrë ilegale, cilët janë përgjegjësit që nuk kanë ushtruar detyrën (ruajtur kufirin shtetëror) dhe kanë lejuar shkeljen e ligjeve shqiptare. Ministria e Brendshme nuk dha asnjë deklaratë, ndërsa Policia jonë, aq e zellshme dhe hollësishme për lajme ordinere në çdo sekondë të ditës, dha një njoftim mjeran se disa shtetas grekë (pa asnjë specifikim) po ndiqeshin në gjendje të lirë për “kalim të paligjshëm kufiri”, njësoj si ndonjë kurd apo sirian hallexhi që po kalonte tranzit këndej. Nëse Karathanos dhe grupi i tij kanë qenë persona të padëshiruar, shto këtu edhe veprimet e ditës së djeshme, ato nuk ndiqeshin në gjendje të lirë, por arrestoheshin për veprime të paligjshme në territorin shqiptar, si dhe të nxitjes së urrejtjes midis popujve (kjo edhe sipas konventave ndërkombëtare). Karathanos kishte ëndërr prej kohësh të vinte në Shqipëri dhe në krah të një arkivoli të bënte shfaqjen që nuk ka mundur ta bëjë më parë (për shembull në vitin 1999). Gjithë jeta e tij nuk është tjetër veçse e një paraziti propagandist karagjoz në shërbim të “vorio-epirit”. Ai ka qenë për shumë vite drejtues i sillogut bashkimi i rinisë vorio-epirote, të njohur shkurt si ENVI (Efnikis Neollaias Vorio Ipiras), në thelb të programit të të cilit është hapjen e shkollave dhe kurseve në gjuhën greke, financimin e aktivistëve “vorio-epirotë”, të “qeverisë në ekzil të vorio-epirit”,  “trupës mbrojtëse vorio-epirote” (e cila sipas tyre vepron në territorin shqiptar), etj. Organ i sillogut është “Vorio-Epirus simera”. Sot Karathanos është kryetar i sillogut qendror të “epirit të veriut”. Me këtë cilësi erdhi në Shqipëri të shfrytëzonte një rast që zor se i vjen më deri në fund të jetës.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

5 vjet pa Sokol Olldashin, Basha status të veçantë

Politikë

5 vjet pa Sokol Olldashin, Basha status të veçantë

Kryetari i PD-së Lulzim Basha ka përkujtuar ish-ministrin dhe deputetin demokrat Sokoll Olldashi në 5-vjetorin e ndarjes së tij nga jeta. kryetari i PD-së Lulzim Basha, e kujton përmes një mesazhi...

Moti i keq/ Ja qytetet që rrezikojnë nesër nga përmbytjet

Aktualitet

Moti i keq/ Ja qytetet që rrezikojnë nesër nga përmbytjet

Ndërsa verilindja dhe juglindja u përball me një situatë të pazakontë të reshjeve të borës, tashmë është jugu dhe jugperëndimi që mund të përballen me motin e keq. Për ditën...

Rama i jep kompanisë që lëvron paratë për Lindën 19 milionë euro

Politikë

Rama i jep kompanisë që lëvron paratë për Lindën 19 milionë euro

Një tjetër rekord i zi në ndërtimin e rrugëve dhe vjedhjen e hapur që i bëhet parave të taksapaguesve shqiptarë. Bëhet fjalë për një segment rrugor që lidh pallatin me...

Sondazh

Nothing found!

Sondazh

Nothing found!