Tirana me numrin më të madh të automjeteve për banorë, Dibra më të ultin

E mërkurë, 10 October 2018 13:44

Ashtu si edhe në tregues të tjerë të zhvillimit ekonomik qendra e vendit ka diferencë të madhe me rajonet e tjera edhe për numrin e lartë të automjeteve për banorë.

Sipas të dhënave të INSTAT, Tirana, Durrësi dhe Vlora kanë numrin më të lartë të automjeteve për banorë, ndërsa në krahun tjetër, Elbasani, Korça, Kukësi dhe Dibra kanë numrin më të ulët të automjeteve në raport me popullsinë.

Në vitin 2017 Tirana numëroi 233 automjete për 1000 banorë, ose sa dyfishi i makinave për 100 banorë në qarkun e Dibrës.

Me pas shihet se Durrësi ka numrin më të lartë të automjeteve në raport me popullsinë, me rreth 213 automjete për 1000 banorë.

Gjithashtu Vlora renditet ndër qarqet me numër të lartë makinash në raport me popullsisë, me rreth 203 të tilla për 1 mijë banorë.

Numër të lartë automjetesh mbi 190 të tilla për 1000 banorë kanë edhe qarqet e Lezhës, Gjirokastrës dhe Shkodrës.

Dibra rezulton të ketë numrin më të ulët me vetëm 101 automjete për 1000 banorë, e ndjekur nga Korça me 119 dhe nga Elbasani me 121 automjete për 1000 banorë.

Shihet se qarqet që kanë numrin më të lartë te të papunëve si Lezha dhe Vlora kanë numër të lartë automjetesh për frymë në raport me qarqet e tjera.

Shqipëria vijon të jetë vendi europian me numrin më të ulët të automjeteve për 1000 banorë, tregues ky që tregon se niveli i jetesës në vendin tonë vijon të ketë një diferencë të madhe nga kontinenti ku jemi të pozicionuar gjeografikisht.

Sipas të dhënave të Eurostat në vitin 2016, BE kishte mesatarisht 505 autovetura për 100 banorë, ndërsa sipas të dhënave kombëtare të INSTAT, Shqipëria kishte 420 mijë autovetura më 2016 ose 146 automjete për 1000 banorë me një rritje te lehte nga viti 2015.

Gjithashtu sipas të dhënave të Nation Master Shqipëria, vijon të ketë numrin më të ulët të automjeteve për 1000 banorë edhe në krahasim me rajonin, ku shihet se me 2016 në Malin e Zi u regjistruan 309 makina, në Serbi 288 autovetura për 1000 banorë dhe në Bosnjë 2014 automjete për 1000 banorë, teksa të dhënat për Kosovën mungojnë.

 

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Ranë shkëmbinj, ja ç’po ndodh në rrugën Fushë Arrëz – Dukagjin

Aktualitet

Ranë shkëmbinj, ja ç’po ndodh në rrugën Fushë Arrëz – Dukagjin

Në segmentin rrugor Fushë Arrëz - Fushë Dukagjin, në km 52.5 nga Fushë Arrësi, pranë fabrikës në Kalimash ka pasur rrëshqitje të një sasie të skarpatës së sipërme të rrugës...

Seanca për transformimin e FSK-së në Ushtri të premten

Bota Shqiptare

Seanca për transformimin e FSK-së në Ushtri të premten

Seanca plenare e Kuvendit të Kosovës do të mbahet të premten, më 14. 12. 2018, në orën 10:00, në sallën e Kuvendit. Në rendin e ditës do të jenë: 1. Shqyrtimi i...

Veseli sot në Uashington, takime në Shtëpinë e Bardhë

Bota Shqiptare

Veseli sot në Uashington, takime në Shtëpinë e Bardhë

Kryetari i Kuvendit të Kosovës, Kadri Veseli do të qëndrojë sot në Uashington. Ai do të ketë aty takime me zyrtarë të lartë të shtetit amerikan. Veseli pritet të ketë takime...

Sondazh

Nothing found!

Sondazh

Nothing found!