Njohja e diplomave, hapen negociatat mes vendeve të Ballkanit Perëndimor

Tuesday, 09 October 2018 11:14

Vendet e Ballkanit Perëndimor hapën negociatat për njohjen reciproke të kualifikimeve profesionale të mjekëve, dentistëve, arkitektëve dhe inxhinierëve civil në takimin e parë të organizuar në Bruksel nga Këshilli Rajonal i Bashkëpunimit (RÇ).

Rezultati i pritur nga negociatat përfshin një Marrëveshje Reciproke të Njohjes, e cila do të vendosë rregulla të përbashkëta në njohjen e kualifikimeve profesionale të aplikantëve të cilët zotërojnë një diplomë nga secili prej gjashtë vendeve të Ballkanit Perëndimor, duke iu mundësuar atyre akses për të ushtruar profesionin në një tjetër ekonomi.

Negociatat dhe Marrëveshja e pritur mbi njohjen reciproke të kualifikimeve është pjesë e Planit Shumë-Vjeçar të Veprimit në Zonën Rajonale Ekonomike (MAp REA) të arritur nga kryeministrat e rajonit vitin e shkuar në Trieste.

“Heqja e pengesave ndaj lëvizjes së profesionistëve dhe përmbushja e objektivit të MAP REA për të lejuar lëvizjen e mjekëve, stomatologëve, arkitektëve dhe inxhinierëve në rajon do të krijojë mundësinë që talentet të qëndrojnë brenda rajonit. Për më tepër, Draft-Marrëveshja mbi Njohjen Reciproke të Kualifikimeve në Mjekësi, Stomatologji, Arkitekturë dhe Inxhinieri Civile është e bazuar në direktivën e BE-së 2005/36/EC mbi njohjen e kualifikimeve profesionale dhe kjo do të kontribuojë në përgatitjen për pranimin në BE,” tha Sekretari i Përgjithshëm i RÇ, Goran Svilanovic, në hapjen e negociatave.

Nicholas Cendroëicz nga Drejtoria e Përgjithshme e Komisionit Evropian për Negocimet e Fqinjësisë dhe Zgjerimit (DG NEAR) theksoi rëndësinë e bashkëpunimit rajonal për zgjerimin e BE.

Objektivi kryesor i takimit të sotëm ishte të binte dakord për një plan negociatash të realizueshëm dhe realistë dhe për të identifikuar nevojat për ta bërë këtë qëllim një realitet. RÇ propozoi një plan veprimi mbi hapat drejt finalizimit të Marrëveshjes së Njohjes së Ndërsjellë nga Samiti i Ballkanit Perëndimor në Poloni korrikun e ardhshëm. Negociatorët kryesorë miratuan planin e propozuar të veprimit dhe shprehën optimizëm për t’i përfunduar negociatat në kohë për Samitin e Ballkanit Perëndimor në Poloni.

Përveç Svilanovic dhe Cendroëicz, pjesëmarrësit e takimit, duke përfshirë më shumë se 20 zyrtarë nga ministritë përkatëse dhe institucionet e tjera relevante, u mirëpritën gjithashtu nga Emir Djikic, Drejtor i Sekretariatit të Marrëveshjes së Tregtisë së Lirë të Evropës Qendrore (CEFTA), Tina Sariç, Iniciativa për Reformën Arsimore të Evropës Juglindore (ERI SEE), dhe Gazmend Turdiu, Zëvendës Sekretar i Përgjithshëm i Këshillit të Bashkëpunimit Rajonal.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Veseli sot në Uashington, takime në Shtëpinë e Bardhë

Bota Shqiptare

Veseli sot në Uashington, takime në Shtëpinë e Bardhë

Kryetari i Kuvendit të Kosovës, Kadri Veseli do të qëndrojë sot në Uashington. Ai do të ketë aty takime me zyrtarë të lartë të shtetit amerikan. Veseli pritet të ketë takime...

FRESH dhe policia në aksion për të mposhtur protestën e studentëve në Gjirokastër

Aktualitet

FRESH dhe policia në aksion për të mposhtur protestën e studentëve në Gjirokastër

Studentët në Gjirokastër janë në ditën e tyre të dytë të protestës për plotësimin e kërkesave të tyre. Por megjithatë ata kanë hasur vështirësi për t’u organizuar. Së pari ishte policia...

Ambasadori amerikan: Qeveria t'i ndëshkojë zyrtarët e korruptuar

Globi

Ambasadori amerikan: Qeveria t'i ndëshkojë zyrtarët e korruptuar

Ambasadori i Shteteve të Bashkuara të Amerikës, Philip Kosnett, ka folur sot për çështjen e luftimit të korrupsionit, ndërsa ka thënë se nuk janë të mjaftueshme ligjet nëse ato nuk...

Sondazh

Nothing found!

Sondazh

Nothing found!