Dollari shënon rritje të fortë, rënia e euros vazhdon

Premte, 10 August 2018 13:30

Dollari amerikan ka shënuar një rritje të fortë gjatë ditës së sotme në tregun e brendshëm, duke arritur afër nivelit të janarit, ndërsa euro ka shënuar një rënie të lehtë, pasi Banka e Shqipërisë blen vazhdimisht tepricën e euros në treg, duke mos lejuar nënçmimin e fortë të saj.

Sipas kursit zyrtar të Bankës së Shqipërisë, një dollar është këmbyer sot me 139.37 lekë, me një rritje prej 1.08 lekë në krahasim me ditën e mëparshme.

Ndërsa euro ka rënë me 0.07 lekë, duke u këmbyer me 125.48 lekë, niveli më i ulët që nga fillimi i qershorit, kur Banka e Shqipërisë filloi ndërhyrjet në tregun e brendshëm valutor.

Në bursat ndërkombëtare euro shënoi një rënie të fortë sot, duke zbritur në në 1.146 USD, si rrjedhojë e shqetësimeve të rritura nga kriza turke, ku lira arriti në nivelet minimale historike të saj dhe Banka Qendrore Europiane shprehu shqetësimin për ekspozimin që mund të kenë disa banka të BE-së ndaj huamarrësve në Turqi.

Por, në tregun shqiptar rënia e euros ishte shumë më e ulët në raport me tkurrjen e monedhës së përbashkët në bursa dhe kjo çoi në mbiçmimin e fortë të dollarit për të ruajtur raportet e këmbimit me bursat ndërkombëtare. Euro tradicionalisht është e dobët në muajin gusht për shkak të prurjeve të larta nga turistët dhe emigrantët, por këtë vit Banka e Shqipërisë është vazhdimisht e pranishme në treg, për të mos lejuar një ulje të pakontrolluar të monedhës së përbashkët.

Banka e Shqipërisë bëri të ditur dje në raportin e politikës monetare të tremujorit të dytë se ndërhyrjet në tregun valuator do të vijojnë të përdoren deri kur rreziqet me origjinë kursin e këmbimit të mënjanohen.

Banka analizon se, mbiçmimi i kursit të këmbimit në gjysmën e parë të vitit 2018 shkoi përtej trendit forcues të diktuar nga faktorët strukturorë. Ky mbiçmim pasqyroi një koncensues të fortë të pritjeve rreth forcimit të mëtejshëm të kursit të këmbimit në të ardhmen, duke sjellë ndryshimin e sjelljes së agjentëve dhe operatorëve të tregut valutor dhe duke rezultuar në një zhballancim të raporteve ndërmjet kërkesës dhe ofertës për valutë./monitor/

1 koment

  • Përgjigju rq

    një dollar është këmbyer sot me 139.37 lekë
    Ndërsa euro ka rënë me 0.07 lekë, duke u këmbyer me 125.48 lekë,
    euro shënoi një rënie të fortë sot, duke zbritur në në 1.146 USD

    Wrong math

    Premte, 10 August 2018 14:12 komentuar nga rq

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Njollat e bardha në lëkurë – Shenjat e mungesës së vitaminave në organizëm

Aktualitet

Njollat e bardha në lëkurë – Shenjat e mungesës së vitaminave në organizëm

Njollat e bardha në lëkurë ndryshe quhen Vitiligo. Ky problem shëndetësor shfaqet në çdo pjesë të trupit. Një karakteristikë e këtyre njollave është se janë simetrike. Pra nëse këto njolla dalin në...

Për 60 ditë/Receta me rozmarinë për problemet me mëlçinë

Aktualitet

Për 60 ditë/Receta me rozmarinë për problemet me mëlçinë

Përdorimet mjekësore të rozmarinës datojnë që në lashtësi. Kjo bimë çmohet si mirëmërëse për gjithë organizmin dhe për shëndetin e mëlçisë gjithashtu. AgroWeb.org sjell më poshtë një kurë të shëndetshme dhe krejt...

Icardi: Të fitosh derbin në minutën e 93 është edhe më bukur

Sport

Icardi: Të fitosh derbin në minutën e 93 është edhe më bukur

Sulmuesi argjentinas, Mauro Icardi që ishte “heroi” i Interit në derbin lokal kundër Milanit ka deklaruar pas takimit se të fitosh ndeshje të tilla në minutat shtesë është edhe më...

Sondazh

Nothing found!

Sondazh

Nothing found!