OSBE kundër ligjit të Tv private për të ndarë lekët që paguajnë shqiptarët

E Enjte, 14 June 2018 18:15

Përfaqësuesi i OSBE-së për Lirinë e Medias, Harlem Désir, tha sot se ishte i shqetësuar për propozimet e kohëve të fundit për ndryshimin e ligjit “Për median audiovizive” në Shqipëri.

Autoriteti i Medias Audiovizive në vend i transmetoi Ministrisë së Financave dhe Ekonomisë disa ndryshime në ligjin “Për median audiovizive”, më 8 qershor. Ndryshimet u hartuan nga pronarët dhe drejtuesit e katër stacioneve televizive lokale dhe dy kombëtare në Shqipëri. Një nga kërkesat e tyre kryesore është që transmetuesve privatë t’u jepet një pjesë e tarifës të shërbimit për përdorimin e aparateve televizive, me të cilën momentalisht financohet transmetuesi publik, RTSH.
“Jam i shqetësuar se ky propozim mund të dëmtojë qëndrueshmërinë financiare të RTSH-së”, tha Désir. “Transmetuesit publikë kanë një rol të rëndësishëm në dhënien e informacionit cilësor dhe në mbulimin e tërë territorit, dhe duhet të kenë burimet e duhura për të përmbushur detyrën e tyre”.

“Çdo sistem subvencionesh shtetërore për median duhet të jetë objekt i një konsultimi publik, ku të përfshihen të gjithë aktorët e medias. Gjithashtu, ai duhet të ketë një objektiv të qartë dhe të gjerë për mbështetjen e të gjithë sektorëve të medias, përfshirë atë online, shtypin dhe median lokale, me kritere dhe procedura transparente, pa ndërhyrje politike dhe me qëllimin për të forcuar pluralizmin në media”, shtoi ai.

Përfaqësuesi ofroi mbështetjen e Zyrës së tij për një analizë ligjore të çdo projektligji për median, pasi ai të propozohet zyrtarisht nga qeveria.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

48 gazetarë të vrarë brenda 2018

Aktualitet

48 gazetarë të vrarë brenda 2018

Dyzet e tetë gazetarë janë vrarë deri tani këtë vit, sipas përllogaritjeve të Zërit të Amerikës. Ata i shtohen rreth një mijë gazetarëve të vrarë në dekadën e kaluar. Disa kanë...

Kroacia feston 5 vjetorin e anëtarësimit në BE, çfarë mësimi mund të marrë Kosova

Globi

Kroacia feston 5 vjetorin e anëtarësimit në BE, çfarë mësimi mund të marrë Kosova

Në vitin e pestë të integrimit të Kroacisë në Bashkimin Evropian, ambasadorja e Kroacisë në Kosovë, Marija Kapitanoviq tha se është koha për ndryshim dhe sipas saj gjëja më e...

Më 22 tetor hapen zyrat e shërbimit – Edhe Turqia do të lehtësojë procesin e shtetësisë për investitorëve të huaj

Globi

Më 22 tetor hapen zyrat e shërbimit – Edhe Turqia do të lehtësojë procesin e shtetësisë për investitorëve të huaj

Turqia do të hapë zyra shërbimi për të lehtësuar procedurat e shtetësisë ose lejes së qëndrimit afatgjatë për investitorët e huaj, njoftoi Ministria e Brendshme e Turqisë. Muajin e kaluar, vendi...

Sondazh

Nothing found!

Sondazh

Nothing found!